ஆதிநாராயணா

**TP Princess** Wed Oct 14, 2009 10:54 am

"ஆதிநாராயணா" இது ஒரு முக்கோண காதல் கதை. "மிகப்பெரிய நடிகராக வேண்டும் என்று முயற்சி செய்கிறார் மிமிக்ரி ஆர்டிஸ்ட் கருணாஸ். மிடில் கிளாஸ் குடும்பத்தைச் சேர்ந்த கல்லூரி மாணவி மீராஜாஸ்மின் கருணாஸை காதலிக்கிறார். மீராஜாஸ்மின் காதலைப் பெற கருணாஸின் நண்பராகிறார் ஹீரோ கஜன். இந்த முக்கோண காதல் கதையின் முடிவை மிக வித்தியாசமாக சொல்லியிருக்கிறார்கள். வாழ்க்கையில் எல்லோருக்கும் பொதுவான கேள்வி இருக்கும். அந்த கேள்வியையும் அதற்கான பதிலையும் இந்தப் படத்தில் எதிர்பார்க்கலாம். இந்தப் படத்துக்காக மீராஜாஸ்மின் நன்கு ஒத்துழைப்பு கொடுத்து நடித்திருக்கிறார். கதைக்கு திருப்புமுனை தரக்கூடிய ஒரு முத்தக்காட்சியில் நான்கு "டேக்" எடுத்த நிலையிலும் சளைக்காமல் நடித்து இயக்குனரின் பாராட்டை பெற்றிருக்கிறார் மீராஜாஸ்மின். முத்தான ஐந்து பாடல்களுக்கு இசையமைத்திருக்கிறார் ஸ்ரீகாந்த் தேவா. அதில் "கருப்பாயி கருப்பாயி எங்க போறா கண்ணால சாய்ச்சி புட்டா லட்சம் பேர...." என்ற பாடலை சிம்பு பாடியிருக்கிறார். அந்தப் பாடலுக்கு பெங்களூர் மாடல் யோகிதா நடனமாடியிருக்கிறார். காதலைப் பற்றி நிறைய படங்கள் வந்தாலும் இந்தப் படத்தில் காதல் முற்றிலும் வேறு களத்தில் இருக்கும்" என்கிறார் இயக்குநர் வெற்றிவேந்தன்.

Mon	Tue	Wed	Thu	Fri	Sat	Sun
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30