கண்ணுக்குள்ளே

**TP Princess** Wed Oct 14, 2009 10:52 am

எஸ்.எஸ்.பிச்சர்ஸ் என்னும் புதுப்பட நிறுவனம் சார்பில் செல்வராஜா தயாரிக்கும் படம் "கண்ணுக்குள்ளே". மிதுன், அபர்ணா, அனு நடிக்கும் இப்படத்தை லேனா மூவேந்தர் இயக்குகிறார். "வசந்தம்", "பெண்ணே பெண்ணே", "நாணயம்" உள்பட பல தொடர்களை இயக்கி இவர் முதன் முறையாக வெள்ளித்திரையில் கால் பதிக்கிறார். உடம்பில் வலி என்றால் கண்கள் துடிக்கின்றன. கண்களில் வலி என்றால் நட்பு துடிக்கின்றது என்கிற தத்துவத்தை வலியுறுத்தி நட்புக்கு இலக்கணமாய் உருவாகி வரும் படம் "கண்ணுக்குள்ளே"! மனதால் பிரிந்த இரண்டு மனங்கள் கணவன் - மனைவியாக இணைந்து வாழ்வதுகூட ஒருவகை நட்புதான். நட்பில் நண்பன் இருக்கலாம், தோழி இருக்கலாம், மனைவி இருக்கலாம். நடப்பை இதற்குள் அடக்கி விடலாம் என்று எதை வைத்தும் வரையறை செய்ய முடியாது. அப்படி வரையறை செய்தால் அது நட்பு ஆகாது என்ற தத்துவம் "கண்ணுக்குள்ளே" என்ற பெயரில் படமாக உருவாகி வருகிறது. கடந்து விட்ட தவறுகளுக்கு காலம் பதில் சொல்லும். அதுவரை காத்திருக்க வேண்டும். ஆனால் இக்கதையில் வரும் நாயகன் காத்திருக்க மனமில்லாமல் தவறுகளுக்கு பிராயசித்தம் தேடி தன் பழைய நினைவுகளை நெஞ்சில் சுமந்து செல்கிறான். சென்ற இடத்தில் அவன் தவறுகள் பிராயசித்தம் அடைந்ததா, இல்லையா என்பதே இக்கதையில் நடக்கும் சம்பவங்கள். நாயகனாக மிதுன், நாயகியாக அபர்ணா வாழ்ந்து இருக்கிறார்கள். இவர்களின் வாழ்க்கையில் நெரிஞ்சி முள்ளாய் குத்திக் கொண்டிருக்கும் முன்னாள் காதலி அனுபாரதி என்ற கதாபாத்திரத்தில் வாழ்ந்து இருக்கிறார். இவர்கள் தவிர சரத்பாபு, யுகேந்திரன், சண்முகராஜன், சிங்கமுத்து, முத்துக்காளை, சிசர் மனோகர், கிரேன் மனோகர், சிவ நாராயணமூர்த்தி, அல்வா வாசு உள்ளிட்டோரும் நடித்துள்ளனர். இசைஞானி இளையராஜாவின் பின்னணி இசை படத்தை மேலும் மெருகேற்றி இருக்கிறது. பாடல்களை கவிஞர் முத்துலிங்கம், கவிஞர் மு.மேத்தா, பழனிபாரதி, நா.முத்துக்குமார், கபிலன் ஆகியோர் எழுதியுள்ளனர். நெஞ்சை வருடும் ஒரு பாடலை இளையராஜா எழுதியுள்ளார். படம், விரைவில் திரைக்கு வர இருக்கிறது.

Mon	Tue	Wed	Thu	Fri	Sat	Sun
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30